Kaakibat ng panibagong panahon ang pagkakataong pag-isipan ang tunay na diwa ng kalusugan at kagandahan – hindi lamang sa pisikal, maging sa kung paano natin inaalagaan ang ating sarili. Habang natututo tayong pagtibayin ang ating kumpyansa sa sarili, tayo’y pinagkakalooban ng mas malawak na pag-unawa, pag-asa, at layunin, na kinalaunang magdadala ng pangmatagalang kasiyahan.

Let positivity shape your self-perception. Sa pag-aaral nina Uric Orth at Rirchard Robins (2022), napatunayan ang magandang bunga ng kumpyansa sa sarili sa ating mga relasyon, professional performance, emotional wellbeing, pag-uugali, at pisikal na kalusugan. Kapag may kumpyansa tayo sa ating sarili, mas nagkakaroon tayo ng kakayahang magkaroon ng masisiglang mga relasyon, gumaling sa trabaho at pag-aaral, at in general, mas maging malusog at matutong makihalubilo sa lahat. Sa pagsasanay sa positive thinking at pagiging mabait sa sarili, nakikita natin ang realidad nang may katiyakan sa halip na pangamaba.

Approach nourishment the right way. Bagamat may malinaw na lamang ang mga piling dietary choices, hindi dapat pag-isipan ng labis kung paano tayo kakain. Maaring maka-apekto sa ating pangkalahatang kalusugan at relasyon ang sobrang pag-alala sa pagkain (Cunningham, 2024). Bukod dito, ang pag-categorize ng pagkain bilang masama o mabuti ay maaring humantong sa restrictive o disordered eating. May internal clock na sinusunod ang ating katawan, na nagsasabi kung kailan tayo gutom or busog – hindi kailangang mabalisa sa oras o dami ng pagkain. Sapat na ang pakikinig sa pangangailangan ng ating katawan bilang gabay sa tamang nutrisyon.

Reframe your relationship with the scale. Isang data point lamang ang weighing scale sa napakaraming sukatan ng kalusugan. Kung i-lilimit natin ang ating pagkatao sa palagiang nagbabagong numero, hindi natin ganap na mauunawaan ang estado ng ating kalusugan. Malaki ang papel ng genes sa fat distribution, kaya iba-iba talaga ang ating body types at health tendencies (Institute of Medicine, 2004). Kilalanin at ipagdiwang ang tunay na kalusugan higit pa sa timbang – ito ay makikita sa kalidad ng ating tulog, lakas, enerhiya and mood levels, at estado ng emosyon.

Nanggagaling sa pagpapanatili ng balanseng relasyon sa ating katawan ang tunay na kalusugan at kagandahan – isang ugnayang nakabatay sa pangangalaga sa ating sarili at hindi sa unrealistic idea ng perfection. Salamin ang kalusugan ng ating pangkalahatang well-being. Habang mas binibigyang halaga natin ang ating sarili, mas nagiging masaya, buo at pangmatagalan ang fulfillment natin sa buhay. Dinisenyo ang ating katawan upang mapanatili ang pagiging balanse, at sa tuwing natutunan nating kilalanin ang mga proseso nito, mas binubuksan natin ang daan patungo sa mas malusog, mas mahaba, at mas makabuluhang buhay.